Në përballjen e javës së 14të të Superligës kosovare, Prishtina zbriti në ‘Fadil Vokrri’ për tu përballur me Dukagjinin, në sfidën që përfundoi në barazimin 0-0.
Gjatë kësaj jave, në stolin e Prishtinës pati ndryshime, ku trajneri Zekirija u zëvendësua nga Abdulah Ibrakovic, lëvizje kjo që nuk mundi dot të sjellë fitoren në stolin e kryeqytetit.
Pjesa e parë ishte e gjitha nën kontrollin e vendasve, që krijuan mjaft raste por pa mundur të finalizojnë, ku rastet më të mira ishin ai i minutës së gjashtë, ku goditja e Besnik Krasniqit nga afërsia u ndal nga traversa dhe i mysafirëve në minutat shtesë me anë të Bujar Shabanit, por pa sukses dhe ekipet shkuan në pushim pa gola.
Në të njëjtën mënyrë vazhdoi dhe pjesa e dytë, ku mungesa e dëshirës për të shënuar nga të dyja anët, solli barazimin pa gola mes skuadrave që ndanë vetëm nga një pikë nga ky takim.
Në përfundim të këtij takimi, Prishtina përmirëson lehtshëm pozitat në renditje me 18 pikë, ndërsa edhe Dukagjini mbetet sërish në vendin e tetë të renditjes me 15 pikë.
Discussion about this post