Dita e sotme pritet të jetë shumë e rëndësishme për marrëdhënien mes Cristiano Ronaldos dhe Erik ten Hag. Dyshja prej kohësh nuk kanë raporte të mira mes tyre, me teknikun holandez që e shikon portugezin si një lojtar stoli, duke e aktivizuar thuajse gjithmonë nga pankina.
Ronaldo refuzoi të futej në fushën e lojës në minutat e fundit të ndeshjes ndaj Tottenham dhe u largua drejt dhomave të zhveshjes ende pa përfunduar sfida.
Për këtë veprim, ai është dënuar nga klubi dhe sot do të ndodhë një takim kokë më kokë mes portugezit dhe Ten Hag, trajnerit të tij.
Thuhet se sot Ten Hag do të pyesë Ronaldon nëse do të largohet në janar apo jo, dhe burime të tjera brenda klubit kanë thënë se Manchester United dëshiron ta lirojë atë nga kontrata.
Discussion about this post