Në konferencën me kryeministrin e Kosovës, Albin Kurti, Rama u pyet nga gazetarët se cfarë mendon për bashkimin e Shqipërisë me Kosovën. Me nota humori, ai tha se po merr rolin e fallxhorit dhe se një ditë ky bashkim pritet të ndodhë.
“Tani kjo është pyetje, apo provokacia?! Se nuk e kuptoj. Në rast se më pyesni në hipotezën e një referendumi pas qëndrimit për bashkimin e Shqipërisë me Kosovën do beja një shkelje të ligjit për fshehtësinë e votës dhe do votoja pro. Nëse do më pyesni a do ndodhë kjo, unë them se kjo do ndodhi, se di se kur dhe se si do të ndodhi. Sot apo, që kjo do të ndodh një ditë, unë them që po. Atyre që mund ta marrim këtë dhe të dalin që të bërtasin; ‘Shqipëri e Madhe’ fallxhorët nuk gjykohen, nëse unë do hidhja fall, po e hedh me imagjinatë, se nuk shoh filxhan, them se do ndodhë. Fallin e futa në mes për përkthyesin dhe për ata që do bëjnë deklarata pas kësaj dhe do thonë; u takuan pas kësaj se do digjet Ballkani, të ngrihet bota se do na sulmojnë shqiptarët. Më ndihmoni dhe ju dhe thoni që foli zëri i fallxhorit, dhe jo zëri i politikanit. Meqë më provokoi Klani i Kosovës, se Klani i Shqipërisë provokoi Albinin, iu përgjigja”, tha Rama.
Nga ana tjetër, kreu i qeverisë kosovare dekkaloi se këto janë procese historike për të cilët nuk mund të vendosen data.
Discussion about this post