Anthony Joshua u mposht mbrëmjen e djeshme nga ukrainasi Oleksandr Usyk, duke i humbur titujt në kategoritë ËBA, IBF, ËBO dhe IBO në peshën e rëndë.
Humbja e Joshuas i ka prishur planet për duelin me bashkëkombasin e toj Tyson Furyn sfidë e cila kushtonte plot 500 mln paund.
117:112, 116:112 dhe 115:113 ishte vlerësimi i jurisë për ukrainasin Usyk.
Promotori i Joshuas, Eddie Hearn ka zbuluar se Joshua po mendon për të riboksuar me Usyk.
“Humbje e rëndë. Ne e dinim se humbja mund të ndodhte nëse Anthony nuk i bënte gjërat si duhet dhe ai nuk i bëri gjërat si duhet. Mori tepër goditje në raundet e hershme dhe Usyk ishte më agresiv se që mendova dhe fitoi me meritë”, ka thënë Hearn, raporton BBC. “E gjitha që Anthony do të bëjë tash është të mendoj për Oleksandr Usykun, se si ta mposhtë atë meçin e ardhshëm e si të përmirësohet”.
Vet Joshua ka thënë se e do rimeçin dhe se do t’i kthehet stërvitjeve.
“100 për qind e dua rimeçin. Do t’i kthehem stërvitjeve. Ishin 12 raunde të mira për mushkëritë e mia, do të rikthehem”, ka thënë Joshua.
