Pasditen e sotme banorët e Kodrës së Priftit kanë dalë në një protestë kundër shembjes së banesave të tyre, të cilat janë përfshirë në vijën e kuqe të projektit të Unazës së Re. Ata kanë kërkuar që më së paku të kishte një vëzhgim nga specialistë të fushës, pasi ende nuk ishte bërë një studim i mirëfilltë por vetëm ishin kapur pamje me dron. Prej muajsh, kërkesa e tyre mbetet e njëjtë dhe ende nuk ka gjetur zgjidhje ndërsa shprehen se nuk dinë se ku të ankohen në një rast të tillë.
“Ne i kërkuam zonjës Belinda Balluku këtë që le të vijë kushdo nga insitucionet në terren për ta parë vendin. Nuk ka pasur asnjë ekspert që ta kenë vlerësuar, është bërë me dron në korrik plani i Unazës. Dhe u themi hapni sytë, si ju duket më e arsyeshme, është kjo rrugë apo rruga tjetër më e duhur. U bë disa herë që mblidhemi kështu dhe bëjmë protesta. Nuk e di por në kohët e para kishin një kadi ku në rastin kur kishin ndonjë ankesë shkonin tek ai. Por në këtë rast, të keqen ta bën vetë kadiu. Atëherë ku të shkojmë ne. Do shkojmë sërish te bashkia. Kaq presim ne. Unë i bëj thirrje kryeministrit të zgjedhin skuadër pushkatimi të vijnë këtu një ditë para shembjes të na pushkatojë të gjithëve me burra me gra dhe me fëmijë” – u shprehën disa prej banorëve.
Discussion about this post