Ministri i Mbrojtjes, Niko Peleshi ka prezantuar në Kuvend, projektligjin për lundrimin, e cila sipas tij do ta vendosë Shqipërinë në hartën e vendeve të sigurta. Më tej, Peleshi është shprehur se anëtarësia në organizatë do t’i japë akses në trajnime shqiptarëve dhe bashkëpunim me jashtë.
Ministri Peleshi zbulon se tarifa që do të paguajë qeveria për këtë nismë do të jetë mbi 17 mijë euro në vit.
“Do ta vendosë Shqipërinë në hartën e vendeve të sigurta. Nisma për aderimin e Shqipërisë në këtë organizatë është e ministrisë së Mbrojtjes. Para pak kohësh kemi miratuar edhe ligjin për aderimin e Shqipërisë në hartën ndërkombëtare të hidrografisë.
Me këtë të sotmin përforcojmë kuadrin ligjor për lundrim të sigurt. Edhe sot ne i zbatojmë rregullat e lundrimit të sigurt në mënyrë vullnetare, por anëtarësia në këtë organizatë na jep akses në trajnime, por edhe për të zgjeruar rrjetin e bashkëpunimit. Do të mundësojë plotësimin e kuadrit ligjor në fushën e detarisë. Ka edhe një tarifë. Është 17675 euro në vit do të përballohet nga buxheti i ministrisë”, deklaroi Peleshi.
Discussion about this post