Prokuroria çon në gjyq 4 biznesmenë, akuza për 4.5 mln dollarë evazion fiskal me tregtinë e cigareve (EMRA)

Katër biznesmenët të cilët akuzohen se fshehën të ardhurat dhe falsifikimit të dokumenteve, janë dërguar për gjykim nga prokuroria e Tiranës.

Sipas dosjes hetimore faturat e parregullta arrijnë ne vlerën e rreth 4.5 milionë dollarëve.

Kërkesa për gjykim është dorëzuar në gjykatën e Tiranës prej mars 2022 dhe afro 3 muaj ende nuk është marrë një vendim nga dhoma penale. Ka qenë denoncimi i një tregtareje se në NIPT-in e saj ishin faturuar mallra të pa blera që ka zbuluar skemën e mashtrimit ndaj tatimeve.

Nga hetimet e prokurorit Bledar Valikaj ka rezultuar se biznesmenët Alban Ulkashej, Dritan Bylyku, Ana Zervoi dhe Roland Joti bënin fatura fiktive me biznese të çregjistruara ose me status pasiv për të shmangur tatimet në tregtinë e cigareve. veprimet janë bërë nga firmat “Inter Distribution Services” sh.p.k, me administrator aktuale shtetasen Ana Zervoi dhe subjekti “INTER TRADE & DISTRIBUTION”, më administratore po znj. Zervoi. Sipas Prokurorisë faturimet nuk nuk i përgjigjeshin realitetit dhe mënyrës së qarkullimit te mallrave.

“Inter Distribution Services” ka bërë fatura në vlerën 434.379.917 lekë, të ndara në vite, ndërsa “INTER TRADE & DISTRIBUTION” ka bërë fatura me vlerë 1.6.981.880 lekë, pra një dëm shtetit rreth 4.5 milionë dollarë.