Është mbyllur protesta e 117-të me radhë qytetare kundër qeverisë sot më 24 shtator. Në mbyllje të tubimit, protestuesit thirrën “Nesër më shumë”.
Qytetarët edhe këtë të enjte, e nisën protestën nga Sheshi Skënderbej.
Më pas, ata kanë marshuar drejt Kryeministrisë. Bënë thirrje për largimin e kryeministrit Rama nga qeveria, duke thënë se kreu i qeverisë është përgjegjës për të gjitha skandalet që po ndodhin.
Revolta qytetare është rritur ndjeshëm pas skandalit të fundit, ku në qendër ka qenë ish-drejtoresha e SHISH Vlora Hyseni, e akuzuar se ka përkrahur Ergys Agasin gjatë kohës që ky i fundit ishte në arrati.
Ata thirrën “Poshtë Edi Rama”, “Poshtë narko-shteti”, “Ju erdhi fundi”.
Tashmë qytetarët ndodhen tek Sheshi Uilson. Numri i protestuesve është rritur ndjeshëm.
Skandali i fundit ku në qendër ishte ish-drejtoresha e SHISH Vlora Hyseni ka rritur revoltën në mesin e qytetarëve.
Ata kërkojnë përgjegjësi për situatën, ndërsa prej kohësh kërkohet dorëheqja e kryeministrit Edi Rama. Në fund, thirrën “Edi Rama frikacak, po të vjen radha për në SPAK”.
gijotina.com/
Discussion about this post