Jehonë në mediat franceze, “Le Monde” dhe “Le Figaro”: Rrugët e Tiranës ziejnë nga zemërimi ndaj Ramës

Protestat kundër qeverisë së Edi Ramës kanë tërhequr vëmendjen e mediave të mëdha ndërkombëtare.

Gazeta prestigjioze franceze “Le Monde” i kushton vëmendje protestave të zhvilluara në Tiranë, duke theksuar se demonstruesit kanë dalë në rrugë për të kërkuar dorëheqjen e kryeministrit Edi Rama.

Pakënaqësitë e tyre lidhen me kushtet në universitetet shqiptare, kostot e larta të studimeve dhe mungesën e mbështetjes për të rinjtë. Këto kërkesa janë ndërthurur me revoltën më të gjerë kundër qeverisë dhe akuzat për korrupsion.

Në raportimin e saj, gazeta ndalet te lëvizja protestuese që prej javësh kundërshton qeverinë, ndërsa përfshirja e studentëve i ka dhënë një dimension të ri mobilizimit.

Protestuesit kundërshtojnë kostot e arsimit të lartë, kushtet në universitete dhe mungesën e perspektivës për të rinjtë. Në të njëjtën kohë, një pjesë e demonstruesve e lidh pakënaqësinë me akuzat për korrupsion dhe mënyrën e qeverisjes.

Thirrjet për dorëheqjen e kryeministrit janë kthyer në një nga kërkesat kryesore të protestave, të cilat tashmë kanë kapërcyer kufijtë e kryeqytetit.

Vëmendja që mediat franceze po i kushtojnë situatës në Shqipëri vjen në një moment kur demonstratat po vijojnë, studentët po mobilizohen dhe presioni ndaj qeverisë socialiste po rritet.

gijotina.com/