Protestuesit në Tiranë kanë mbushur Bulevardin. Në ditën e 9 të protestës, janë mbledhur përpara Kryeministrisë dhe kërkojnë dorëheqjen e kryeministrit Edi Rama.
Me thirrjet “poshtë patronazhistët”, “Opozita jemi ne”; “jemi antipartiakë”.
“Ftojmë diasporën që të na bashkohet. Të largojmë antishqiptarin më të madh, Edi Ramën! Nuk duam asnjë forcë politike që të flasë, çdo të hënë deri të premte, të gjithë të protestojnë në bashkitë e tyre, ama në fundjavë të jenë në Tiranë të gjithë këtu!”, tha një prej protestuesve.
Me thirrje kundër klasës politike dhe elemente të forta patriotike ka nisur protesta para Kryeministrisë. Në shesh janë dëgjuar Himni Kombëtar dhe kënga patriotike “Xhamadani Vija-Vija”, ndërsa protestuesit kanë valëvitur flamuj kombëtarë.
Protestuesit kanë shigjetuar me thirrje dhe ironi si kryeministrin Edi Rama, ashtu edhe kreun e PD-së Sali Berisha, duke kërkuar burgosjen e tyre. “Rama n’burg, Berisha n’burg”, kanë thirrur njëzëri pjesëmarrësit.
Të rinj, të reja, fëmijë dhe të moshuar janë bërë bashkë në këtë protestë, e cila po tërheq vëmendje edhe ndërkombëtare përmes transmetimit live të Reuters. Sipas organizatorëve dhe pjesëmarrësve, kjo është një kauzë që nuk do të ndalet deri në dëgjimin e kërkesave të tyre.
Vetting për të gjithë politikanët e lakuar si të lidhur me korrupsionin e krimin, nga e majta dhe e djatha.
Ky ishte qëndrimi që erdhi nga protesta, nga një student shqiptar në Gjermani.
Ai kërkoi qeveri teknike dhe drejtim të qeverisë nga populli, nga njerëz të arsimuar, pjesë e saj do të jenë dhe diaspora.
gijotina.com/
Discussion about this post