Nga foltorja e Kuvendit në seancën e sotme parlamentare, lideri i Partisë Demokratike Sali Berisha ka paralajmëruar kreun e grupit parlamentar të PS Taulant Ballën se ditën e protestës së 12 nëntorit nuk do të ketë “vrimë miu ku të fshihet”.
Ai shtoi se tubimi do të cilësohet si gjyqi popullor ndaj qeverisë së Edi Ramës.
“Ai thotë se ka informuar Air Albania, në një kohë kur nuk funksionon prej 3 vitesh. Si ka mundësi që jeni kaq të pandjeshëm? Si mund të diskutohet këtu? Kemi të bëjmë me një grup njerëzish të cilët vjedhjet e pasurive publike të shqiptarëve jua kanë mbyllur sytë, veshët, nuk dëgjojnë asgjë. 12-ta po vjen. 12 nëntori është gjyqi i madh që shqiptarët do ju bëjnë juve. Boll u tallët me shqiptarët. Boll i shkelmuat ata dhe i përzutë nga vatra e tyre. Mjaft është mjaft. Vrimë miu s’do gjesh atë ditë (ballës) dil po ta mbajti. Do të gjejmë. Zyrën do ta tregojmë. Do të gjejmë.”, deklaroi Berisha.
Discussion about this post