Një nga protestuesit në zonën e Bërxullës, ka bërë deklarata të forta ndaj kryeministrit Edi Rama. Protestuesit, që është duke bërë edhe kimioterapi deklaroi se Rama atij nuk i ka dhënë qoftë një aspirinë, duke shtuar se banorët nuk e lëshojnë tokën e tyre.
Banori: Kemi 7 muaj që protestojmë për të drejtat tona, kthimi i sistemit bëri një Kushtetutë, ku e quajti shtet laik, pa shtet, pa fe. E gjithë bota betohet në ungjill, këtu nuk ka as Kur’an, por vetëm ateistë.
Hipoteka është buka e gojës, të mbyll e të hap kasafortën, në të kundërt ngordh për bukë. Prej 3 vitesh sistemi i hipotekës është i djegur, të vijnë te ne të bëjnë të gjithë procedurat pastaj të vendosin projektin në zbatim. Të gjithë tokat i kanë marrë pushtetarët, rrugën e kanë bërë për faqe të zezë, gjithë bota ka autostrada, këtu një rrugë nuk bëhet.
Paratë e tyre nuk janë, por të Europës. Del në televizion Rama pa pikë turpi dhe thotë do të jap 5 mijë lekë për pensionistët, po për ne pse nuk mendon, nuk na ka dhënë një aspirinë. A mendon kush nëse ne jetojmë a jo, kërkon te na marrë pronën.
Kjo zonë është punëtore, jo me gjëra që nuk i shkon. Të gjithë këtu janë të lodhur, të gjithë duan të qetësohen dhe në këtë muaj Ramazani, të bëhet diçka për ne.
Drita e Kur’anit, fjala hyjnore e ka thënë qartë, një ditë do fitoni, një prej brezave tanë do fitojë. Sado të mundohen ata, kush i merr vëllait një metër tokë, do futet 7 pashë nën dhe. Të gjithë ata që e ndjejnë në shpirt pronën, të kundërshtojnë në parlament. Nuk ka fyerje më të madhe se të nxjerrësh tjetrin në rrugë, nuk ka frikë nga asnjë, policët janë heronj.
E drejta jonë do triumfojë. Ndërkombëtarët nuk janë për shqiptarët, ne me një pasaportë do qarkullonim në gjithë botën. Ata e kanë frikë Shqipërinë nga këto kokat e huaja, këta bëhen mbreta.
Discussion about this post