Sot, në ditën e 6 të protestës qytetarët kanë zbuluar dhe tre kërkesat bazë që duhet të plotësojë qeveria. E para ka të bëjë me anulimin e taksës së qarkullimit mbi naftën, e dyta me pezullimin e përkohshëm të akcizës mbi karburantet dhe e treta konsiston në miratimin e një ligji për minimumin jetik.
Ata njoftojnë se, afati i vendosur do të jetë deri në fund të javës, më datë 18.03.2022, ndërsa shtohet se nëse kërkesat nuk realizohet do të kërkohet dorëheqja e kryeministrit Edi Rama. “Kërkojmë, anulim i përhershëm për taksën e qarkullimin. Pezullim i përkohshëm i akcizës për karburantet deri në përfundim të krizës. Miratimi i ligjit për minimumin jetik, afati i realizimit në fund të kësaj jave. Mos realizimi i këtyre konverton kërkesat në një dorëheqje nga ana e Ramës dhe hapja e garës brenda PS për kryeministër të ri”, ka thënë një prej protestuesve.
Prej një ore qindra qytetarë janë mbledhur para kryeministrisë, për të protestuar kundër rritjes së çmimeve të hidrokarbureve dhe produkteve të shportës.
Discussion about this post