Kryetari i komisionit hetimor për TIMS, Ervis Salianji, në një deklaratë për media foli në lidhje me braktisjen e mbledhjes së djeshme të komisionit.
Salianji ka paralajmëruar kolegët socialistë se do t’i padisë për shpërdorim detyre, nëse nuk firmosin dhe depozitojnë kërkesat për informacion, drejtuar institucioneve.
Salianji u shpreh se e administrata e Kuvendit dhe përfaqësuesit politikë kanë detyrim të firmosin dhe të depozitojnë kërkesat e tyre për informacion.
“PS kërkon që ne të mos bëjmë kërkesa për informacion, madje t’i korrektojë kërkesat.
Aktet janë të miratuara dhe administrata e Kuvendit dhe përfaqësuesit politikë kanë detyrim të firmosin dhe të depozitojnë kërkesat tona për informacion, dhe të përgjigjen brenda 5 ditëve, ose do të përballen me kallëzim penal për shpërdorim detyrë.
Këtu nuk bëhet fjalë vetëm për të dhënat e qytetarëve shqiptarë, por edhe për të huajt, të dhëna policore apo sensitive.
Ky komision hetimor duhet t’i shkojë deri në fund hetimit.
E pa dëgjuar është që përfaqësues të mazhorancës të bojkotojnë komisionet hetimore dhe Parlamentit. Ikën dje si skuthat, njëlloj si ndërhyrja në sistemin TIMS për qëllime kriminale. Edhe mbrojtja që pretendohet tu bëhet atyre është veprimtari kriminale”, tha ai”, tha deputeti demokrat.
Discussion about this post