Kreu i qeverisë deklaron se përpos faturave ekonomike, situata e rëndë të zjarreve nuk merr zgjidhje përfundimtare nga blerja e avionëve zjarrfikës.
E këtu Rama sjell shembullin e Greqisë që posedon 77 avionë zjarrfikës, por zjarret e fuqishme të ditëve të fundit e kanë gjunjëzuar edhe shtetin fqinj. Po sigurisht që nuk na duhen avionët, se kemi satelitët. Kryeministri i investon paratë aty ku i duhet për lobimet për pushtetin e tij, jo për nevojat urgjente të vendit.
Rama shpenzon 6 milionë euro për të çuar satelitë në hapësirë, ndërkohë që në tokë, zjarret na përpijnë çdo verë dhe asnjë mjet ajror nuk ngrihet për të ndihmuar. Me këto para (me pak shtesë) do të ishin blerë 2 avionë zjarrfikës. Avioni “Air Tractor AT-802 Fire Boss” në përdorim nga Maqedonia e Veriut kuhston 3,5 milionë euro.
“Po fqinjët tanë, Greqia dhe Italia apo Turqia dhe Spanja, që po përcëllohen më keq se ç’do vit tjetër kanë vallë mungesë avionësh?!” bën pyetje retorike kryeministri. Përgjigja e mëposhtme është si ato që populli i quan “Si ëma e Zeqos në majë të thanës”. Po kur i bëri bilancet e dëmeve Rama, që bën krahasime? Turp, që kemi në krye një tip të tillë të papërgjegjshëm!
Postimi i plotë i Edi Ramës
“Ka shpërthyer një debat pse nuk blen Shqipëria avionë zjarrfikës, ndërkohë që ka ca llogari që duhen bërë dhe zjarret e ditëve të fundit nuk janë assesi çështje e një apo dy apo edhe tre avionësh! Dakord, mirë do ishte t’i kishim, por… Duke i siguruar të gjithë se kemi këto ditë mjete nga ajri më shumë se çdo vit më parë, falë flotës sonë dhe mbështetjes nga Mekanizmi Europian apo Emiratet e Bashkuara Arabe, i ftoj të gjithë të ngrenë një pyetje: Po fqinjët tanë, Greqia dhe Italia apo Turqia dhe Spanja, që po përcëllohen më keq se ç’do vit tjetër kanë vallë mungesë avionësh?! Ja një informacion bazuar në referencat e vetë shtypit grek për Greqinë për shembull: Greqia ka një flotë ajrore totale prej 77 avionësh zjarrfikës; helikopterë janë pakashumë 20; automjete të tjera afërsisht 3,500 dhe zjarrfikëse të të gjitha llojeve e funksioneve. Pra, e thënë thjeshtë. Sa më shumë aq më mirë padiskutim, por prapëseprapë kurimi i pasojave nuk i eliminon shkaqet, të cilat janë disa, janë njësoj për të gjithë shtetet që po i vuajnë zjarret këtë sezon (disa shumë më keq se ne meqë ra fjala) dhe janë shumë më komplekse se sa duken kur numëron avionët”.
gijotina.com/
Discussion about this post