Shumë ndryshime priten të ndodhin te Paris Saint-Germain gjatë merkatos së janarit. Mauro Icardi është një nga të parët që pritet të largohet, me Juventus që po bëhet gati ta afrojë.
Nga mediat e huaja raportohet se ‘Zonja e Vjetër’ ka zhvilluar disa bisedime me drejtuesit e PSG-së, por deri më tani ende nuk ka një marrëveshje.
Italianët kanë kërkuar huazimin e Icardit për gjashtë muaj me mundësi blerje në verë, por francezët i kanë vendosur si kusht se nëse duan Icardin duhet të marrin edhe një tjetër futbollist të tyre.
PSG i ka ofruar Juves edhe huazimin e mesfushorit holandez Georginio Wijnaldum si ‘paketë’ së bashku me Icardin.
Kjo lëvizje do ia shtonte koston klubit të Juventus, por duke parë problemet e mëdha në mesfushë te ‘Zonja e Vjetër’, Wijnaldum do të ishte një përforcim për Massimiliano Allegri./K.T/Gijotina.com
Discussion about this post