Kategoria Superiore do të startojë me ndeshjen kryesore Teuta-Partizani
Ndeshja si rregull duhej të luhej në stadiumin e Teutës në ‘’Niko Dovana’’, por takimi është transferuar për tu luajtur në ‘’Elbasan Arena’’. Shkaku është se Teuta po kryen punime në stadium duke rishtruar barin për shkak se më vonë pritet të nisin dhe shirat dhe mund të pengojë punimet.
‘’Niko Dovana’’ do të jetë i mbyllur për 1 muaj dhe Teuta do t’i luajë ndeshjet e planifikuara për në shtëpi në stadiumin e Elbasanit. Sfida me Partizanin do të luhet në orën 19:45. Të dyja skuadrat synojnë ta fillojnë mbarë këtë edicion futbollistik.
