Një 29-vjeçar meorigjinë shqiptare, por i lindur në Athinë, u arrestua nga Policia greke, pasi dyshohet se shpërndante drogë në lokalet ku punonte si DJ.
Nga raportimet mësohet se i arrestuari, i identifikuar si Mario Guxo, u arrestua nga agjentët e anti-drogës, duke transportuar dy pako me 25 kg marijuhanë.
Mësohet se ai kishte tërhequr pakot pranë kompanisë “Fedex”, me emrin e Joanis Paraskeopulos, kartë identiteti greke false.
Dyshohet se Guxo e kryente këtë aktivitet prej disa muajsh dhe ka mundur të shmangë kontrollet doganore në disa raste.
Sipas raportimeve, Guxo punonte si DJ në lokale të ndryshme të Athinës, në të cilat shpërndante edhe lëndën narkotike.
Discussion about this post