“Vladimir Putin do të vdesë së shpejti dhe ky është një fakt”, tha presidenti i Ukrainës, Volodymyr Zelensky.
Komentet e tij erdhën teksa ai po fliste përkrah presidentit francez Emmanuel Macron në Paris .
Prej kohësh është përfolur se Putin, 72 vjeç, ka probleme me shëndetin, përfshirë sëmundje të ndryshme të kancerit të Parkinsonit.
“Ai (Putini) do të vdesë së shpejti dhe ky është një fakt. Kur kjo të ndodhë, çdo gjë do të mbarojë”, tha presidenti ukrainas.
Inteligjenca ukrainase ka mbështetur pretendimet se Putin nuk është mirë, teksa Zelensky ka aluduar më parë për gjendjen shëndetësore të presidentit rus, shkroi The Sun në një artikull të botuar.
Zelensky paralajmëroi gjithashtu se Putin “i frikësohet shoqërisë së tij” në Rusi, ndërsa i kërkoi SHBA-së që të mos e lënë atë të dalë nga izolimi.
Kremlini e ka mohuar gjithmonë se Putini nuk është mirë, ndërsa Putin nga ana e tij ka ndarë shpesh pamje nga aktivitetet e tij të përditshme, duke peshkuar, kalëruar dhe madje duke bërë xhudo.
Discussion about this post