25 km larg qytetit të Krujës, Qafë-Shtama është një nga parqet e preferuara për vizitorët.
Pyjet, ajri i pastër, ushqimi i freskët dhe tradicional dhe mbi të gjitha uji i pijshëm i kësaj treve, është i veçantë.
Temperaturat e larta u kanë dhënë mundësi turistëve të vizitojnë dhe shijojnë masivin pyjor prej 2 mijë hektarësh.
“Parku është shumë i mirë, i freskët, natyra, uji,” thotë një qytetar.
Panorama është spektakolare. Pika më e rëndësishme është kroi i Nanës Mbretëreshë rreth 1100 metra mbi nivelin e deti. Mban këtë emër për nder të Sadije Toptanit, të ëmës së Mbretit Ahmet Zogu.
Përveç natyrës, shumë qytetare e shfrytëzojnë këtë zonë edhe për kurim.
“E para është klima, freskia. E dyta është uji. Ka lule,” thotë një qytetar.
Problem sipas një turisti është edhe amortizimi i rrugës.
“Si perlë e meriton, por është lënë pas dore,” thekson qytetari.
Qafë-Shtama shërben si urë lidhëse midis zonës së Krujës dhe luginës së Matit në very, ndërsa në jug kufizohet me liqenin e Bovillës./
abcnews.al
