Një 43-vjeçar është plagosur me thikë dje në Lushnje nga babai i tij. Këtë të mërkurë, policia njoftoi arrestimin e këtij të fundit – B.P., 69 vjeç.
Djali i tij 43-vjeçar N.P., vijon të jetë në spital, ku po mjekohet për plagët e marra jashtë rrezikut për jetën.
Ndërkohë në cilësinë e provës materiale është sekuestruar mjeti prerës (thikë) me të cilën 69-vjeçari plagosi të birin.
Sipas burimeve policore, në konflikt e sipër, i moshuari ka plagosur me thikë në bark djalin, i cili kishte ndërhyrë për të ndarë nënën me babanë.
Sipas të njëjtave burime, kryefamiljari ka shfaqur shenja depresioni kohët e fundit.
Discussion about this post