Diego Haxhiraj dyshohet se është 37-vjeçari i cili ka qëlluar me armë zjarri drejt dy punonjësve të policisë, Anxhelo Breshani dhe Nako Mehmetaj në Vlorë.
Pasi ka gjetur të braktisur mjetin tip “Volswagen” me të cilën udhëtonte 37-vjeçari, policia ka bërë të mundur identifikimin dhe shpalljen e tij në kërkim. Mësohet se Diego Haxhiraj përdorte edhe dy emra të tjerë, Teki Haxhiraj dhe Diego Hanaj.
Në datën 05.01.2022, shtetasi Diego Haxhiraj është goditur me armë zjarri, në lagjen “Pavarsia”, ku ka mbetur i plagosur në dorë. Atentati, ende nuk ka një autor, ndërsa i plagosuri nuk ka ndihmuar hetuesit në zbardhjen e ngjarjes. Në dëshminë e Diego Hanajt për efektivët e policisë, 36-vjeçari është shprehur se “Nuk njoha njeri, dhe nuk kam konflikt me askënd”. Në kohën kur iu bë atentat kishte vetëm pak ditë që ishte kthyer nga Holanda.
Kujtojmë se, sipas policisë, ky shtetas, rreth orës 19:40 të mbrëmjes së djeshme, duke drejtuar automjetin tip “Volkswagen”, dyshohet se për motive të dobëta, ka qëlluar me armë zjarri në drejtim të automjetit tip “Audi”, me të cilin udhëtonin dy policët.
Gjatë krehjes së zonës, shërbimet e Policisë gjetën të braktisur, në lagjen “Partizani”, Vlorë, automjetin e autorit të dyshuar të ngjarjes, ndërsa janë hapur edhe kamerat për të gjetur detaje.
Discussion about this post