Pavarësisht se tenderët denoncohet, ankimohen, shënohen me “Flamurin e kuq” nga monitoruesit dhe raportohen shkeljet në media, kryebashkiakia e Durrësit, Emirjana Sako nuk reflekton. Kjo është kultura e korrupsionit e përhapur në mënyrë endemike në zyrat e shtetit që firon arkën e shtetit dhe dobëson shërbimet ndaj qytetarëve.
Kryetarja Sako i bindet me verbëri porosisë nga “lart” që bashkitë dhe institucionet t’ia japin Kastratit të gjitha lekët për naftën, qoftë edhe në shkelje të ligjit. Në mars 2024, Sako i dhuroi oligarkut të naftës kontratën 2 milionë euro për karburant.
Por Kastrati e do të gjithë buxhetin! Pikërisht kur u firmosën 2 milionë euro, më datë 27 mars, Sako ka njoftuar edhe për një tjetër prokurim nafte. Kujt tjetër do t’ia jepte, përveç Kastratit?! Kompanitë e tjera nuk afrohen kur në tender merr pjesë oligarku, sepse dihet fituesi.
Ky tender ka si objekt ‘Blerje karburant nafte’, që do të shkojë për Agjencinë e Parqeve Urbane.
Mendoni që kjo agjenci nuk djeg shumë naftë, se merret lulishtet? 47 milionë lekë ka vendosur të shpenzojë Sako këtë herë për naftë dhe nuk jepet asnjë shpjegim se për çfarë mjetesh e për çfarë pune do të shpenzohet nafta që po blihet.
Afati i fundit për paraqitjen e ofertave ishte më 8 prill 2024. Duke qenë se e vetmja kompani në garë ishte “Kastrati” me ofertë 43 milionë lekë, Sako në të njëjtën ditë ka firmosur letrat me kompaninë e Sheqet Kastratit.
Për shkak të shkeljeve që skuqin tenderin, Open Data Albania i ka vendosur “Flamurin e kuq”, që është shenja e riskut të korrupsionit.
Theksojmë se në këto dy javët e fundit “Kastrati” ka përfituar 3 kontrata në tendera pa garë nga Sako me vlera të larta.
Përmendim këtu tenderin me objekt ‘ Loti 1 Blerje Diesel 10 ppm ULSD’ ka paraqitur ofertë vetëm firma ‘Kastrati’ me vlerë 1.7 milionë euro, pra sa 100% e fondit limit. Me të njëjtën skemë kryetarja Sako ka vepruar edhe me lotin tjetër që ka si objekt “Blerje Benzine Premium Unl 10 ppm” me vlerë 30 milionë lekë. Dhe i fundit 47 milionë lekë .
Pra në total, në dy javë, “Kastrati” ka xhiruar në arkën e vet mbi 2 milionë euro të mbledhura nga taksapaguesit durrsakë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post