Presidenti Ilir Meta nuk ka lënë pa komentuar nismën e Partisë Demokratike të propozuar nga kryedemokrati Lulzim Basha për vettingun e politikanëve.
Sipas tij kjo nisëm është gjëja më qesharake pasi i përngjan me një demagogji ndërsa shtoi se SPAK nuk është institucion adapt për ta kryer këtë proces.
“Mua kjo më duket gjëja më qesharake sepse është vetëm një demagogji. Pse janë këto institucione. Kush do e bëjë vettingun e politikanëve mbi këto institucione. Kjo është për të shmangur vëmendjen nga çështje që duhet të mbash përgjegjësi”, është shprehur ai.
Ndër të tjera në fjalën ë tij, Meta ka ironizuar Bashën duke thënë se kjo nismë nuk është ndërmarrë nga një person i besueshëm, duke e konsideruar gjithashtu pa asnjë platformë të qartë.
“Nuk besoj se personi që ka ndërmarrë këtë nismë është personi më i besueshëm aq më tepër që nuk shikoi asnjë platformë të qartë. Ai ka propozuar SPAK dhe SPAK është produkt i KLP që është produkt i prokurores që u zgjodh me 96 vota”, ka shtuar ai.
Në fund të fjalës sa i takon kësaj çështjeje Meta ka theksuar se nuk i “trembet” kësaj nisme pasi sipas tij ai e ka kryer detyrën siç duhet përpara popullit shqiptar.
“Problemi i presidentit të republikës është Gjykata Kushtetuese. ishte një interes i madh i aktorëve brenda dhe jashtë që e donin Shqipërinë pa Gjykatë Kushtetuese dhe këto pasoja janë shumë të rënda. Jam i qetë sepse kam bërë detyrën time para popullit shqiptar”, deklaroi Meta.
Discussion about this post