Në Tiranë zhvillohet sot protesta e 94-të e organizuar kundër qeverisë, në vijim të një serie tubimesh që kanë nisur prej më shumë se tre muajsh.
Në qendër të kërkesave të protestuesve vijon të jetë largimi i kryeministrit Edi Rama. Organizatorët dhe pjesëmarrësit e protestës shprehen se synojnë një ndryshim të thellë të mënyrës së qeverisjes dhe të përbërjes së klasës politike.
Një nga propozimet kryesore të artikuluara prej tyre është ngritja e një qeverie tranzitore, e cila sipas kërkesës së protestuesve do të kishte një mandat 12-mujor. Kjo periudhë do të shërbente, sipas tyre, si një fazë kalimtare drejt një ndryshimi politik më të gjerë.
Në protestën e sotme pritet të përsëriten thirrjet kundër qeverisë dhe kryeministrit, ndërsa përfaqësuesit e protestës kanë paralajmëruar se aksioni nuk do të ndalet.
Sipas tyre, muajt shtator dhe tetor do të shoqërohen me një mobilizim edhe më të gjerë, me synimin për të rritur pjesëmarrjen e qytetarëve në protestat e ardhshme.
Pavarësisht kohëzgjatjes së protestave, organizatorët deklarojnë se do ta vijojnë aksionin deri në realizimin e kërkesës së tyre kryesore, largimin e Edi Ramës nga drejtimi i qeverisë.
realizimin e kërkesës së tyre kryesore, largimin e Edi Ramës nga drejtimi i qeverisë.
“Kjo qeveri e korruptuar duhet të largohet sa më shpejt. Këtu ne do të fillojmë përshkallëzimin, do të fillojmë mosbindjen civile, sepse kjo situatë nuk mban më. Ndaj përgatituni për një vjeshtë shumë të fortë, sepse ne këtu do të jemi. Do të përballemi akoma më fort.
Duhet të gjithë së bashku të mobilizohemi, të sjellim sa më shumë në numër në shesh dhe të bashkohemi, sepse të gjithë kemi vetëm një luftë dhe ajo është me Edi Ramën dhe qeverinë e tij. Rroftë Shqipëria!”, deklaroi dje një nga protestuesit.
Discussion about this post