Buxheti i shteti ka pësuar një rritje të ndjeshme në periudhën janar-nëntor, pasi të ardhurat janë rritur me rreth 6.2 milionë euro më shumë krahasuar me të njëjtën periudhë të një viti më parë. Sipas treguesve zyrtarë të Ministrisë së Financave plani i të ardhurave në buxhet është realizuar në masën 103 për qind, ku janë mbledhur në total 458 miliardë lekë. Të ardhurat tatimore u realizuan në masën 228 miliardë lekë, 25.7 miliardë lekë më shumë se 11-mujori i vitit të kaluar, 1.1% më shumë se parashikimi.
Të gjithë zërat kanë kontribuuar pozitivisht, ndërsa TVSH e arkëtuar neto u realizua në masën 27.5 miliardë lekë, 0.5% më pak se 11-mujori 2020, si dhe 8.7 miliardë më pak se plani i TVSH për t’u arkëtuar në 11-mujorin 2021. Përpos konsumit, në këtë zë ka ndikuar edhe niveli i lartë i rimbursimit të TVSH-së përgjatë kësaj periudhe.
Konkretisht Rimbursimet u realizuan në 52.8% më shumë se 11-mujori 2020, si 40.3% më shumë se plani. Rritje të ndjeshme në raport me një vit më parë ka pësuar edhe tatimi mbi të ardhurat personale, ku janë arkëtuar në vlerën 36.5 miliardë lekë, ndërsa ka një rënie prej 2.4% më pak se plani. të ardhurat nga taksat nacionale u riten me 18% më shumë se 11-mujori 2020, duke tejkaluar planin me 3.4 miliardë lekë
Discussion about this post