Shkolla e fshatit Radhimë është mbyllur, ndërsa prindërit po përballem me mungesën e transportit drejt Orikumit , 8 km larg. Disa prej tyre janë detyruar të lënë punën për të shoqëruar fëmijët në shkollë, ndërsa në një prononcim për mediat ata tregojnë se kjo situatë është bërë e papërballueshme, prandaj dalin në protestë për t’i bërë thirrje qeverisë të gjejë një zgjidhje.
Prindërit dhe gjyshërit tregojnë mundimin e përditshëm për të dërguar fëmijët në shkollë me automjete private, në mungesë të një furgoni. Bashkia e Vlorës, paguan një tarifë të vogël prej 700 lekësh në muaj për familje, por që është e pamjaftueshme për të lidhur kontratë me një kompani transporti.
“Këtë javë e kemi çuar sepse nuk furgon, e pres atje pa punë jemi dhe e presim atje. Shkolla nuk funksionon, fëmijët shkojnë në Orikum. Mirë do ishte të shkonin këtu fëmijët, t’i rikonstruktojnë këto dritare dhe dyer të thyera. Të kopshtit janë 8 fëmijë dhe vijnë përditë, kopshti funksionon. Prindërit i çojnë fëmijët me mjetet e tyre se edhe furgoni që i merrte nuk funksionon më”, u shprehën qytetarët.
Në ketë fshat edhe kopshti është jashtë funskionit. Sipas burimeve, fëmijët e kopshtit mësojnë në një godinë të rrënuar, ndërsa edukatorja kërkon që paku bashkia të riparojë dyert e dritaret.
