Samiti i Procesit të Berlinit që u mbajt ditën e sotme në Tiranë u përmbyll me një konferencë zyrtare për mediat ku në krah të Kryeministrit Edi Rama ishte kancelari i Gjermanisë Olaf Scholtz dhe Presidentja e KE-së, Ursula von der Leyen.
Samiti nisi me pritjen e delegacioneve nga Kryeministri Edi Rama, për të vijuar më pas me diskutime, premtime, ankesa, por edhe vendosjen e pikave mbi “I” nga zyrtarët e Komisionit Europian se anëtarësimi në BE është një process që do të varet nga reformat që do të ndërmarrin vendet e Ballkanit Perëndimor.
Pjesë e Samitit ishte edhe inaugurimi i Piramidës, hapja e Kolegjit Europian, por duket se nuk kanë munguar as momentet e relaksit.
Fotot e mëposhtme të realizuara nga LSA tregojnë momentet kur pjesëmarrësit në Samit kanë lënë mënjanë anën zyrtare, shfaqen të qeshur, të shkujdesur. Në një moment kryeministri në detyrë i Malit të Zi, Dritan Abazoviç kujdeset për homologen serbe Anna Brnabiç, e cila duket se kishte një problem me karrigen ku do të ulej.
Ngjitur me ta është Kryeministri Edi Rama që kishte marrë përsipër të “argëtonte” kryeministrin holandez Marc Rutte.
Nga fotot e publikuara duket se Kryeministri i Shqipërisë tregonte një histori, që e shoqëronte me mimikë, ndërsa Rutte qeshte pa pushim, ashtu sikundër edhe Presidentja e KE-së, Ursula von der Leyen.
Discussion about this post