Historia e rafinerisë së Ballshit ka marrë fund. Vendimi për ta shitur për skrap, është marrë nga qeveria Rama ndërsa 800 naftëtarë ende kërkojnë nga 13 paga të prapambetura.
Me urdhër të kryeministrit, vendimi është miratuar dhe në vend të rafinerisë së famshme të Ballshit që shumë shpejt nuk do të ekzistojë më do të ndërtohet një park fotovoltaik.
Investim ky, si për t’i dhënë fund historisë së borxheve të krijuara, tashmë banka e nivelit të dytë e CREDINS e shiti për 9 milionë euro.
Në përllogaritjen e qeveritarëve rivendosja në punë e rafinerisë do kishte kosto, e për këtë arsye para se “lajmi” të merrte dhenë, ata dhanë urdhër ta shkatërrojnë këtë burim hidrokarburesh duke e kthyer në një park fotovotaik.
Banka ka vendosur t’ia shesë rafinerinë, kompanisë Shijaku shpk e cila ka nisur çmontimin e rafinerisë së, për ta çuar për skrap, sipas kontratës.
Përgjegjësit dhe mbështetësit në këtë vendim, pretendojnë se prishja e saj do të japë mundësinë e ndërtimit të një impianiti të ri, që sipas tyre do të punësojë njerëz, si gjatë ndërtimit dhe gjatë funksionimit.
Por premtime të tilla nuk janë mbajtur kurrë.
Ndërsa disa të tjerë pretendojnë se dërgimi për skrap i uzinës përbënte një risi për tregun shqiptar.
Këto arsyetime nuk “pijnë ujë” për sa kohë që zanafilla e këtij vendimi nuk ishte gjë tjetër përveçse keqmenaxhimi dhe borxheve të krijuara nga kompania ARMO.
Nga viti 2009 deri në 2013, ARMO u rrënua nga një kompani e shëndoshë financiarisht në një shoqëri aksionere të mbytur në borxhe ndaj bankave, Tatimeve dhe furnitorëve.
Në gusht 2013, paketa kontrolluese e aksioneve të Taçit tek ARMO iu shit kompanisë ‘offshore’ me pronësi azere, Heaney Assets Corporation, e cila pagoi 50 milionë euro.
Azerët tentuan ta rivinin në punën ARMO-n, duke i dhënë me qira rafineritë e saj në Fier dhe Ballsh, por barra e detyrimeve të kompanisë ishte e papërballueshme dhe e çoi atë drejt kolapsit.
ARMO kishte dy rafineri, atë të Ballshit dhe të Fierit. Sot funksionon vetëm rafinerie e naftës në Fier.
Discussion about this post