Kryeministri Edi Rama ka deklaruar në një intervistë për “Euronews Europe” se Europa nuk i ka mbajtur disa premtime edhe pse vendi ynë nuk i ka përmbushur detyrat e shtëpisë.
Kreu i qeverisë deklaroi se Shqipëria nuk është gati për të hyrë në BE, por duhet të hapen negociatat.
“Ne na është dashur ta marrim këtë dy vite më parë. Nuk ndodhi për shkak të rrethanave, Ne shpresojmë se ky do të jetë rasti por nuk është e lehtë. Ne do vazhdojmë të punojmë sepse për ne Europa është fe dhe amanet që ne duam ta sigurojmë për fëmijët tanë. Ne vetëm punojmë fort e më fort. Ka gjithmonë domethënie. Shqiptarët nuk lodhen kurrë së luftuari për të qenë pjesë e Europës. BE nuk ka mbajtur disa premtime.
Ne I kemi bërë detyrat e shtëpisë. Ne dolëm nga komunizmi dhe kemi mundësinë të zgjedhim. Atëherë nuk kemi zgjedhur. Zgjidhnin të tjerët për ne. Duke mos qenë të integruar në BE ,Ballkani Perëndimor mbetet zonë gri që ofron atraksion edhe për të tjerët që nuk kanë të njëjtat principe që ka BE. Për Shqipëri nuk shoh ndonjë rrezik sepse ata janë shumë fanatic për perëndimin.
Shqipëria ka bërë përparime. Ka një ndryshim të madh mes të qenit anëtar dhe përfundim të negociatave. Sot nuk jemi gati për të hyrë në BE por jemi gati për të hapur negociatat. Shqipëria meriton të hyjë në rrugën e negociatave dhe pikë. Unë mendoj se njerëzit në Shqipëri e kanë të qartë se puna nuk ka mbaruar. Mandati i tretë është për të mbaruar punën. Qëndrimi im është shumë i thjeshtë. Nuk do ta përmbysim status-quo-në. Frustrimet do të jenë të pranishme”, tha Rama.
