Kryeministri Edi Rama, duke folur nga zona e Valiasit ku u dorëzuan çelësat e banesave të rindërtuara pas tërmetit, tha se projekti i rindërtimin nuk po bëhet për të marrë vota. Por, si çdo herë ai nuk ka kursyer ironitë dhe batutat me qytetarët. Teksa njeri prej tyre tentoi të fliste Rama i ndërpreu fjalëndhe i tha se e ka vendosur kryetari, Rakip Resuli, që të flasë mirë për të.
Sakaq, Rama i tha se duket që është socialist, por sërish me ironi iu drejtua se i vjen keq për të që është minorancë në Kamëz, pasi pjesa më e madhe janë demokratë.
Pjesë nga diskutimi:
Edi Rama: Do vijë edhe ajo ditë që turistët do kalojnë në Kamëz, imagjinoni çfarë ka bërë Partia Socialiste. Por ju vazhdoni votoni Partinë Demokratike. Për ne ju nuk jeni të ndarë. Duam që zhvillimi të vijë për të gjithë. Kjo që po ndodh në këtë bashki është shembullore. Ne nuk i bëjmë për vota. Zgjedhjet mbaruan, u rrahet, do rriheni prapë. Ne vazhdojmë punën. Të shohim kujt do ia shtojë Zoti me shumë inatin.
Flet qytetari
Edi Rama: Ty të ka vënë Rakipi ta lavdërosh, ti nuk je demokrat….
Qytetari flet sërish
Edi Rama: Jo, jo, ty të ka vënë Rakipi, të ka thënë dil aty dhe më lavdëro pak. Por edhe nëse s’të ka vënë, e bën vetë, prapë më keq akoma. Je socialist i flaktë, më vjen keq se je në minorancë këtu.
Discussion about this post