Një nga ndjekësit e tij në Facebook i ka komentuar Edi Ramës se ai arriti planin e tij, duke rrëzuar opozitën “Realizove planin o Rama, ka marrë fund opozita. Ia arrite kësaj dite”, shkruan qytetari. Ndërsa Rama nuk ka ngurruar dhe ka konfirmuar fjalën e këtij të fundit. Kryeministri u shpreh se ai prej kohësh ka menduar që vendi ynë nuk ka opozitë, por ditën e djeshme këtë gjë e panë edhe qytetarët. Sipas tij, ata që dhunohen fizikisht nuk mund të quhen opozitë dhe shkojnë drejt rrugës së humbjes.
“Jam dakord me ty, sigurisht që ky vend ka nevojë për opozitë. Ky vend nuk ka opozitë sot, por jo sepse ndodhi ajo dje. Ka kohë ky vend që nuk ka opozitë. Nuk është opozitë ajo e cila është shfaqur para nesh në gjithë këto vite. E kam thënë me kohë e vakt. Një opozitë që të sfidon fizikisht nuk është opozitë dhe është e destinuar të humbasë. Një nuk të sfidon mendërisht për të ardhmen në një mënyrë më të avancuar por që të sfidon me molotov, kanë qenë bashkë kanë ardhur poshtë dhe kanë përdorur të njëjta mjete”, u shpreh Rama.
Ndër të tjera ai tha se Berisha dhe Basha “morën në qafë” demokratë të pafajshëm, duke i mbajtur dje brenda selisë mes frikës dhe dhunës. “Disa i përdorin ende, disa të tjerë i pësojnë në kurrizin e tyre. Ishin të rrethuar dje dhe ishin brenda. I besoj se kanë kaluar orë të vështira. Shpresoj të kenë kuptuar sa orë të vështira kanë kaluar njerëzit në këtë godinë. Jo politikanë, por gra e burra, që i shërbejnë shtetit dhe jo partisë në pushtet. Sa? Sa orë? Si ato orët dje për shkak të atyre që dje ishin brenda. Ky vend nuk ka pasur opozitë dhe nuk ka sot. Nuk është opozitë që të dërdëllisësh regjimi-regjimi, të flasësh për armiq në një vend kaq të vogël”, tha ai.
Protesta e zhvilluar nga Berisha ditën e djeshme ka nisur dhe përfundoi mes dhunës, akt të cilin e kanë dënuar edhe ndërkombëtarët.
Discussion about this post