Kryeministri Edi Rama në një prononcim për mediat jashtë Kuvendit, u tregua i rezervuar me qëndrimet e tij lidhur me Partinë Demokratike.
Sjelljen e opozitës në Kuvend sot, kryeministri u shpreh se e mirëkupton, duke ironizuar se janë në një proces traumatik.
“Mos e besoni se unë s’kam dëgjuar asgjë përvec atyre që janë të mirëkuptueshme në një ditë si kjo që nuk është e lehtë për PD, është një proces traumatik, duket të kemi durim dhe respekt për traumat e të tjerëve” u shpreh Rama.
I pyetur a do të betohet tek Presidenti Meta, Rama tha se për sa kohë është në zyrë po.
“Ju keni të dretë të thoni ç’të doni do jem gjithmonë i buzëqeshur. Ka një dallim të qartë për të gjithë dallimi i distancimeve politike dhe i kornizës kushtetuese dhe ligjore. Për sa kohë presidneti Meta siç e quani ju është në lirë dhe në pritje për t’u gjykuar nga kushtetuesja ai mbetet në detyrë dhe nuk varet nga dëshira jonë ne e kemi marrë vendimin tonë dhe e kemi shkarkuar.”- u shpreh Rama.
Ndërsa, kreu i qeverisë komentoi edhe zgjedhjen e kryetare së re të parlamentit Lindita Nikollës , duke thënë se ky është një moment i rëndësishëm dhe i bukur që në krye është një grua e respektuar nga të gjithë.
