Ministria e Arsimit ka deklaruar ditën e sotme se orët e humbura të mësimit për shkak të motit të keq gjatë dimrit apo të kursimit të energjisë pak javë më parë, do të zëvendësohen. Ministrja, Evis Kushi ka bërë publike datat në të cilat do të zëvendësohen katër ditë të humbura mësimi përgjatë këtij viti shkollor. Sipas njoftimit, datat e propozuara për zëvendësimin e ditëve të humbura të mësimit janë 2 prilli, 30 prilli, 14 maji dhe 28 maji.
Kujtojmë se ministria e Arsimit mbylli për tre ditë shkollat e arsimit parauniversitar në të gjithë vendin për shkak të motit të keq në janar. Po ashtu, së fundmi pushim u bë edhe e hëna e 21 marsit, përpos 22 marsit që ishte në kalendarin e festave zyrtare ditë pushimi për shkak të Festës së Sulltan Novruzit. Arsyeja ishte kursimi i energjisë elektrike, ne kushtet kur gjithë bota dhe vendi po përballet me rritje te çmimit te energjisë.
Discussion about this post