Kryeministri Edi Rama dhe kancelarja gjermane Angela Merkel kanë dalë në një konferencë të përbashkët, pas takimit që kjo e fundit pati me liderët e Ballaknit Perëndimor.
Gjatë fjalës së tij, kryeministri Rama u shpreh se kjo është një ditë e jo vetëm e lumtur, por edhe e trishtuar pasi kjo është vizita e fundit e Merkel si kancelare gjermane.
“Sot është një ditë e bukur dhe e trishtuar. E bukur sepse kemi privilegjin të presim në Tiranë një mike të Ballkanit edhe shqiptarëve, por dhe një ditë e trishtuar sepse në njëfarë mënyrë kjo është edhe vizita e lamtumirës si kancelarë e Gjermanisë”.
Sipas Ramës, kancelarja gjermane ka bërë shumë për Ballkanin, por dhe se është e vetmja që njeh më mirë rajonin.
“Unë besoj se askush nuk ka bërë për këtë rajon pas rrëzimit të luftës më shumë se sa kancelarja gjermne dhe ajo që është akoma e rëndësishme është që askush nuk e ka kuptuar këtë rajon më mirë se Merkel. Me kancelaren është një problem sepse nuk i ka qejf fjalimet me fjalë të bukura, por është e sinqertë dhe shprehja e fjalëve më të mira lidhur me çfarë ajo bëri duke iniciuar procesin e Berlinit, proces që është një vizion largpamës, jo thjesht për të kaluar një fazë disa vjeçare, po ta shohim të ardhmen të gjithë së bashku. Vendosja e një fryme bashkëpunimi për të ardhmen e përbashkët. Sot Ballkani Perëndimor është një vend më i mirë me nisëm e procesit të Berlinit. Angela Merkel do ti mungojë këtij rajoni sido të shkojë politika gjermane”, tha Rama.
