Kryeministri Edi Rama nga Pogradeci, ku u mbajt Asamblea e Zgjeruar e PS-së, ka vënë theksin mbi arritjet në fushën e rendit dhe sigurisë. Madje Rama tha se Tirana është shumë më e sigurtë edhe se Parisi, ku natën kishe frikë të dilje, pasi dikush të rrëmbente çantën me gjithë dorë.
“Nuk ka më vjedhje si dikur, krim ordiner, por edhe të organizuar. Unë isha në Paris, Parisi nuk ishte si dikur më parë, ke frikë të dalësh natën se të vjen dikush natën të rrëmben çantën, të merr dorën…Në Shqipëri të huajt thonë “dola mbrëmë natën” dhe “ishte kënaqësi dhe nuk ndjeje asnjë lloj rreziku”, tha Rama.
Në fakt kryeministri mund të ketë të drejtë për Parisin, një nga kryeqendrat europiane, në periferi të të cilit janë dyndur emigrantët, ato që Edi Rama po tenton ti sjellë edhe në Shqipëri, përmes marrëveshjeve që nënshkruan me homologen italiane, Giorgia Meloni.
Ndaj mos u habisni që vitin tjetër, nëse nis akomodimi i emigrantëve në Shëngjin, në Lezhë t’ju grabisin me gjithë lecka, nëse do të dilni në rrugë. Kjo ka ndodhur edhe në Paris, ku sipas çdo studimi në fushën e sigurisë, pasiguria e ka burimin pikërisht te numri i lartë i emigrantëve të paligjshëm, që nisin e strehohen në kampe, pastaj kalojnë në lagjet geto dhe për mbijetesë se kanë problem të grabisin, thyejnë dhe pse jo vrasin.
Discussion about this post