Në konferencën për mediat pas mbylljes të mbledhjes së Kryesisë së PS-së, kryeministri Edi Rama është përplasur sërish me gazetarët. Pasi gazetarja e ka pyetur nëse do të priste një emër nga opozita për Presidentin e ri, Rama i është kthyer me ironi gazetares duke i thënë se duhet të pres 60-ditëshin. Por gazetarja nuk e ka pritur mirë përgjigjen e Ramës dhe i ka kujtuar kryeministrit që të ndryshojë qëndrim me ta, në mënyrë që dhe Shqipëria të përmirësohet në indekset dhe raportet e Reporterëve pa Kufij.
Pjesë nga debati:
Ambrozia Meta: A do të shkoni me një emër më 15 maj apo do të prisni një emër nga Opozita
Edi Rama: Duhet të presësh edhe pak sepse nuk të ka mbaruar akoma 60 ditëshi.
Ambrozia Meta: Që të ngjitemi në indeksin e medias pasi kemi rënë me 20 vende, mund ta bëni një ndryshim, nuk ekziston një masë e tillë si riedukimi
Edi Rama: Në asnjë vend të rajonit, mediat nuk e kanë lirinë që kanë në Republikën e Shqipërisë, këtë nuk ka raport që e luan, nuk ka top që e luan
Ambrozia Meta: Në asnjë vend nuk ka një masë riedukimi ndaj një gazetari që bën pyetje
Edi Rama: Pavarësisht se ç’mund të thonë indekset dhe raportet. Raportet që ia meritojnë të lexohen janë shmë pak, një prej tyre është ai i Bashkimit Evropian, ku një grup njerëzish punojnë mbi fakte dhe jo mbi axhenda të caktuar. Kam mësuar që të jem selektiv dhe nuk jam shumë besues në këto raporte. Nuk shoh asnjë shqetësim në lidhje me mediat në Shqipëri, përveçse çdo ditë shtohen viktimat e bullizmit, viktimat e abuzimeve në emër të lirisë së të shprehurit, vitin e kaluar nuk më rezulton që ka pasur ndonjë gjyq me gazetarët. Nëse kanë të dhëna të padeklaruara, le t’i bëjnë publike. Kjo gjë dëshmon që…
Ambrozia Meta: Marrëdhënia juaj me mua dëshmon që kam një masë riedukimi, në çfarë vendi të botës ndodh që kryeministri vendos një masë riedukimi për gazetarët
Edi Rama: Me ju e kisha fjalën me ju të gjithë, jo me ju personalisht, nuk mund të ndodhë kjo. Unë ju respektoj dhe ju më repsektoni mu, të mbani një minimum etik. Nëse ky është presion mby shtypin, këtu realisht është tejet i lirë.
Kujtojmë se para disa ditësh Reporterët pa Kufij nxorrën raportin e radhës, ku Shqipëria kishte rënë në vendin e 103 në lidhje me lirinë e medias.
Discussion about this post