Duke folur nga Forumi i Vjenës, Kryeministri Edi Rama nuk i ka kursyer sulmet ndaj Bashkimit Evropianë. Ai tha se ndjen keqardhje për BE-në pas asaj që ndodhi në Bruksel, sipas tij është e pafalshme që ata të lejojnë Bullgarinë të mbaj peng dy Shqipërinë dhe Maqedoninë e Veriut. Sipas tij, kjo situatë tregon pasigurinë e 26 vendeve të tjera, që po i binden qëndrimit të Bullgarisë, prandaj janë bërë vërtet për të ardhur keq.
“Më duhet të them se ndihem i keqardhur për BE. Shumë i keqardhur. Shumë e kanë komentuar ato që unë thash, si një zemëratë e madhe, po mund të jetë. Por ka të bëjë me BE jo me ju. Qëndruam atje për 4 orë të tëra. I pamë i dëgjuam dhe ndjemë pafuqinë e tyre përballë situatës ku një vend i NATO si Bullgaria merr peng dy vendet, Shqipërinë dhe Maqedoninë. Në mes të një luftë të nxehtë. Ajo qëmton pasiguri historike para syve të 26 vendeve të tjera që nuk bëjnë dot asgjë. Dua të them se kjo nuk lidhet vetëm me Bullgarinë. Është vetëm shprehja finale. E frymës së thelluar të zgjerimit. Ka diçka më të thellë. ”, tha ai, ndërsa theksoi se BE ka lënë në hije edhe luftën që po zhvillohet në Ukrainë.
Discussion about this post