Në kongresin e PS-së, kryeministri Edi Rama vendosi piketat e punës së mandatit të tretë pas fitores së 25 Prillit. Fillimisht kreu i socialistëve foli për institucionin e ri, që do të krijohet, “Këshillimi Kombëtar” për konsultimin me qytetarët të paktën njëherë në vit për cështje thelbësore.
“Mandatin e tretë do ta cojmë përpara me një vetëdije të re, nga komunikimi publik, marrëdhënia me rivalët politikë, por duke mos e harruar marrëdhënien me publikun në punën e përditshme. Dua që mandati i tretë të shënojë një hapje të re nga njerëzit e këtij vendi duke i përshirë përmes një institucioni të ri “Këshillimi Kombëtar”, që populli të mos dëgjohet njëherë në 4 vite, por të paktën njëherë në vit nga shumica qeverisëse.
Cështjet me interes kombëtar do i ndajmë me popullin dhe do të këshillohemi me të gjithë që duna të shprehen përmes “këshillimit Kombëtar” që nuk është ushtrim komunikimi, por institucion ndërveprimi me shkrim me të gjithë qytetarët dhe të gjithë ata që duan të përfshihen, po me shkrim, na thonë “PO” apo “JO” për cka ne shtrojmë si alternativa të mundshme për cështje. Do të përgatitime që në këtë vjeshtë për këshillimin kombëtar. Platforma e bashkëqeverisjes të ngrihet në një nivel të ri” tha ai.
Pika e dytë ishte administrata, ku kërkoi pastrimin e parazitëve dhe injorantëve për t’u hapur dyert më të mirëve.
“Ne duhet ta ndajmë mendjen që po e deshëm vërtetë Shqipërinë në majën ku shqiptarët ku shqiptarët na rizgjodhën duhet ta shpëtojmë këtë vend nga punësimet në shtet jashtë kritereve të meritës. Unë nuk kam asnjë motiv më të madh për të dhënë, i çlirimit të ministrive, agjencive dhe bordeve nga tentakulat e interesave që mbrohen medemk në emër të partisë, por në fakt pengojnë vetë misionin e PS-së.
Më shumë se duartrokitjet unë dua që të bindem gjatë rrugës që kjo për ju nuk është diçka e bukur për t’u thënë që ta dëgjoj populli, por vijë ndarëse mes të qenies socialist dhe tradhtar. Hapat që kemi hedhur me rekrutimet në shërbimin civil, infermierëve, mësuesve dhe policëve janë të pamjaftueshëm për t’u ngritur në majë. Çlirimin e sektorit publik nga parazitë dhe injorantë me mbulesa politike, që e bëjnë flamurin e PS-së të duket si lecka e “gabit”.
Duhet të angazhohemi në një fushatë anëtarësimesh një vjetore, t’u japim dyert e qeverisë që nga dyert e kabineteve të ministrave, të ministrive, agjencive, bordeve, për vajza dhe djem të shkolluar jashtë shtetit dhe të shkolluar me rezultate të shkolluara brenda shtetit. Mandati i tretë, le të jetë edhe i fundit po të dojë nëse mandati i katërt do të varet nga këta arrogantët, parazitët dhe injorantët që futen në zyrat e shtetit me shtytje, nxitje, mbrojtje dhe garanci interesash. Kur të mi gjeni kushërinjtë e mi dhe krushqit e mi që punojnë në administratën shtetërore, hajdeni dhe më kërkoni për krushqit tuaj” tha Rama.
