Kryeministri Edi Rama ka bërë të ditur se brenda javës në vendin tonë do të mbërrijnë rreth 1 mijë afganë. Në një intervistë të dhënë për gazetën spanjolle “El Periodico”, bëhet me dije se afganët që do strehohen në vendin tonë do të jenë kryesisht gazetarë, punonjës social, mesues dhe bashkepunëtore të trupave amerikane.
Në shkrim thuhet se Shqipëria dhe Kosova, dy vende të vogla në Evropën juglindore kanë vendosur që ti bëjnë ballë pritjes së refugjatëve afgane, duke njoftuar se kanë rënë dakord me kërkesën e qeverisë amerikane për të pranuar një pjesë të të shpërngulurve që po i shpëtojnë kryengritjes talibane.
