Pas liderit të opozitës, Lulzim Bashës, kryeministri Edi Ram ka debatuar në Kuvend dhe me sekretarin e Përgjithshëm të PD, Gazment Bardhi.
Gjatë kohës kur Rama po replikonte me Bashën, Bardhi ka ndërhyrë vazhdimisht duke e penguar të flistëe ndërsa kryeministri iu drejtua me ironi duke i thënë se ai nuk është Edi Paloka.
Rama: Mëso të lexosh o Basha mos shko pas balonave sepse nuk kupton çfarë flet 6.3 milionë dollarë janë në buxhetin e energjisë dhe infrastrukturës. Mëso ta lexosh buxhetin para se të recitosh. E dyta the këtu nuk ka vajtur 50 miliardë ,me aritmetikën tënde ashtu u nis rruga e kombit 33.6 miliardë dhe nuk lëviz dhe as shtohet. Të gjitha situatat nuk janë si tenderat që bëje ti bashkë me PD, në një çorbë keni ngrënë dhe keni gatuar, i fillonit rrugët me një fond dhe i çonit me 3-4 fishin. Rruga e Arbrit për buxhetin e shtetit ka kushtuar 33.6 miliardë.
Përse ndërhyn nuk të kam ndërhyrë kur po shaje. Nuk jam Edi Paloka unë, për çfarë ndërhyn (I drejtohet Gazment Bardhit).
Rrugët tuaja me tendera nisnin me një shumë “X” dhe më pas përfundonin 3-4 fish më shumë.
(Rama ndërpritet sërish nga Gazment Bardhi)
Rama: Ore çfarë bën ky, më lër të flas. Nuk mund të them gjëra që të pëlqejnë tyre. Ka mundësi të mbaroj fjalën unë. Keni dalë me formulën e re që ne s’kemi bërë baltën, sepse ju s’keni qenë aty. Çfarë është ky more që më ndërpret. A ka mundësi të mbash qetësi, Lulzim vendos rregull.
Discussion about this post