Në fund të fjalës së tij përmbyllëse për mandatin e dytë qeverisës, kryeministri Rama tha se qeveria e re e dalë nga zgjedhjet e 25 prillit do të bëhet publike javën e ardhshme.
Kryeministri nuk nguroi të falenderojë ministrat aktualë në detyrë për punën e bërë në këto 4 vjet, duke nënkuptuar që qeveria e re e dalë nga 25 prilli do të përbëhet nga figura të reja.
“Qeveria e re do të shpallet javen e ardhshme dhe ju normalisht do të vijoni punën deri në minutën e kalimit të detyrës pa lënë asnjë minutë të shkojë kot. Fatmirësisht kemi një skuadër kampione ku ka shumë zgjedhje për çdo rol dhe kampionati 4-vjeçar që ka nisur të nesërmen e zgjedhjeve të fundit kërkon një kryesi efektive dhe një stol rezervash për të pasur mundësi për energjizimin e skuadrës. Ky është avantazhi jonë përballë kundërshtarëve. Ju falenderoj për këtë kohë sfiduese që kaluam së bashku dhe qe dua ta mbani parasysh edhe nëse nuk do jeni në mbledhjen e parë të qeverisë së re”, tha Rama.
Gjithashtu, në këtë fjalim përmbyllës u bë i ditur fakti se Shefja e Infektivit, Najada Çomo ka kërkuar dorëheqjen nga mandati që fitoi më 25 prill, për t’iu kthyer punës në spitale me rritjen e infektimeve.
Gijotina.com publikoi më herët një shkim sipas të cilit me Najada Çomo mund të zëvendësohet në Kuvend nga Mimi Kodheli.
