Kryeministri Edi Rama ka rikthyer sytë nga Procesi i Berlinit, i inicuar vite më parë nga ish-kancelarja e Gjermanisë, Angela Merkel. E ndërsa për disa vite Edi Rama u kthye në protagonist të nismës “Open Balkan”, duke pasur si aleat të ngushtë Presidentin serb, Aleksandar Vuçiç, në një tentativë për të zëvendësuar Procesin e Berlinit, tashmë Kryeministri ka rikthyer sytë dhe vëmendjen te ky proces, që e konsideron si të rinovuar.
Me rastin e kongresit të social-demokratëve të kancelarit gjerman, Olaf Scholz, kryeministri Edi Rama thekson se procesi i rinovuar i Berlinit është vetëm një nga shumë sukseset e miqve dhe aleatëve tanë në Berlin.
“Me rastin e Kongresit të SPD në Berlin, falënderoj sinqerisht Kancelarin, Olaf Scholz për udhëheqjen e tij.
Procesi i rinovuar i Berlinit është vetëm një nga shumë sukseset e miqve dhe aleatëve tanë në Berlin.
Shqipëria do të mbetet thellësisht e përkushtuar ndaj këtij procesi si platforma kryesore për bashkëpunimin e nivelit të lartë në Ballkanin Perëndimor”, shprehet Rama.
Discussion about this post