Kryeministri Edi Rama njihet për qëndrimet e dyanshme që mban për çështje të caktuara dhe këtë na e tregoi edhe sot në fjalën e tij në Kuvend, nën prezencën e presidentit të Ukrainës, Volodymir Zelensky. Duke folur për dhimbjen e popullit ukrainas nga lufta dhe se sa e kuptojnë shqiptarët, Rama bëri një krahasim me shqiptarët e Kosovës kur sulmoheshin nga tanket e mikut të tij Aleksandër Vuçiç.
“Kemi nderin që të mblidhemi për t’ju dëgjuar. Nuk shquhemi për dakordësi mes palëve. Jemi rreshtuar në krahun tuaj. Jemi vend shumë i vogël, e mund t’ju vijmë në ndihmë shumë modestisht. Edhe pse mizorinë e kësaj lufte nuk e percepton asnjë tjetër veç popullit Ukrainës, historia jonë është shumë e afërt e Kosovës na ndihmon që ta ndjejmë dhimbjen e Ukrainës” – tha Rama.
Pra, kryeministri është i vetëdijshëm për dhimbjen e popullit kosovar nga spastrimi etnik serb, ndërsa kur Kosova i kërkon të mos vazhdojë projektin e nisur me mikun e tij të titulluar “Open Balkan”, atëherë bën “një vesh shurdh dhe një sy qorr” dhe thotë se jemi dy shtete të ndryshme. Por tashmë jemi mësuar me qëndrimet e Ramës, sepse një kryeministër që ndryshonë edhe fenë sipas rastit, të tjerat nuk janë më çudi.
Discussion about this post