Kryeministri Rama është takuar në New York me Presidentin e SHBA Donald Trump.
Rama ka postuar një foto në rrjetet sociale, ku shfaqet në një foto familjare me Presidentin amerikan, së bashku me bashkëshortet.
Kryeministri nuk ka dhënë detaje mbi foton, të cilën e shoqëron me emërtimin “foto e ditës”.
Shefi i qeverisë ndodhet në SHBA, në krye të delegacionit shqiptar për të marrë pjesë në punimet e sesionit të 72-të Asamblesë së përgjithshme të OKB, ku pritet të mbajë një fjalim.
Sipas traditës, Presidenti amerikan dhe zonja e parë organizojnë pritje me udhëheqësit pjesëmarrës nga e gjithë bota në eventin e përvitshëm të OKB.
