Deklaratat e kryeministrit shqiptar nuk kanë fund për nga çuditë ! Sot, Edi Rama u ka bërë thirrje drejtuesve dhe përfaqësuesve të Partisë Socialiste që të dëgjojnë më shumë shqetësimet e qytetarëve dhe të mos mjaftohen vetëm me organizimin e takimeve.
Kjo vjen pasi vetë ai, për 96 ditë me rradhë ka ofenduar dhe poshtëruar me fjalë nga më të ndryshmet proteestuesit poshtë zyrës së tij të cilit i kërkojnë dorëheqjen.
Në fjalimin e tij, Rama u ndal te koncepti i “Besës”, të cilin e lidhi me mënyrën se si pushteti duhet të komunikojë dhe të ndërveprojë me qytetarët. Ai shpjegoi se për të, BESA nuk është thjesht një fjalë, por një parim që përmbledh besimin, empatinë, shërbimin dhe angazhimin.
Rama u bëri kritikë dhe thirrje të tijve që të mos mjaftohen vetëm me takimet, por të mbajnë shënime dhe të ndjekin problematikat e ngritura nga qytetarët.
“Pa përgjegjësinë transparenca është kronikë ndaj arsyeja e pasqyrës është e pamjaftueshme pa Besën, busulla që orienton pushtetin. Besa vërtetë është një fjalë shumë e madhe dhe e bukur, ndaj tani e përdorin të gjithë dhe në 90% të mesazheve që marr më kërkojnë besën, por për ne Besa nuk është vetëm fjala, por ankronim, Besim, Empati, shërbim angazhim. Çdo i pranishëm në sallë, këto 4 pjesë të sjelljes duhet t’ i bëjë vijë të sjelljes në kontakt me këdo qoftë.
Prania Besnike nuk është kalendar organizativ, është pjesë e një sistemi që e kthen dëgjimin në kusht dhe kushtin në detyrim për t’u përgjigjur. Problemi ynë nuk ka qenë kurrë që s’kemi ditur të bëjmë takime, madje kemi qenë kudo aq shumë herë për takime, sa askush tjetër dhe do të duhen vite që të tjerët të mbledhin takimet e tyre që të përafrohen me ato që kemi bërë dhe bëjmë ne në një vit. Por gjithçka matet me sa të hapur janë veshët e tu kur qytetari flet.
Çdo komunitet i veçantë sipas zonave të interesit, do duhet të këtë orën e pranisë besnike njëherë në muaj, Sekretariatet duhet ta kthejnë zërin territorit në propozim për një përgjigje sektoriale. Duhet të masin nëse përgjigjja po bëhet gati. Edhe roli i deputetit duhet të ndryshojë, Duhet të sjellë dhe të përcjellë, deputeti është me ligj dhe me zakon, njeriu më i duhur për të sjellë çdo sinjal real të territorit te institucioni që duhet të përgjigjet, jo në Instagram. Pastaj është njeriu i duhur me ligj dhe zakon për të përcjellë vendimin e shumicë në territor me fakte dhe me garanci përkatëse. Deputetët nuk duhet të improvizojnë fakte teknike, nuk duhet të bëjnë Arqile Bode, ndjesë pastë, mjekun popullor që shëronte kancerin me qumësht dhelpre. Kur çështja kërkon mjekun, do flas mjeku, kur çështja kërkon inxhinierin, flet inxhinieri,” tha Rama.
Discussion about this post