Replikat dhe përplasjet në distancë kanë qenë të shumta kohët e fundit mes kreut të Bashkisë Vlorë Ditan Leli dhe kryeministrit Edi Rama. Pas kritikave për pastrimin e qyteti Rama ka ndërmarrë sot një tjetëe hap, me mesazh të drejtpërdrejtë për Lelin.
Qeveria ka vendosur që të Muzeu Kombëtar i Pavarësisë në Vlorë t’i kalojë Ministrisë së Kulturës Rinisë dhe Sporteve, administrimi i të cilit më parë është bërë nga bashkia Vlorë. Ky vendim është firmosur nga kryeministri dhe është publikuar ditën e sotme. “Vendimi nr.293, datë 17.5.2006, i Këshillit të Ministrave, ‘Për shpalljen Kombëtar të Muzeut të Pavarësisë, Vlorë dhe për ndryshimin e përgjegjësisë së administrimit të tij, nga Bashkia e Vlorës në Ministrinë e Turizmit, Kulturës, Rinisë dhe Sporteve, shfuqizohet”, thuhet në vendim.
Kështu nga sot, ky muze Kombëtar i Pavarësisë do të menaxhohet nga Ministria e Kulturës, si dhe institucionet e tjera në fushën e trashëgimisë kulturore. Kujtojmë se në mbledhjen që pati pak kohë më parë me kryebashkiakët e vendit, Rama ka piketuar më së shumti Lelin, duke e paralajmëruar se do të marrë masa nëse nuk pastron rrugët e qytetit.
Discussion about this post