Raportet me Nanon, Berishën e Metën, Kulla rrëfen prapaskenat

Ilir Kulla, ekspert i sigurisë, ka rrëfyer në emisionin “Zonë e Lirë” raportet që ka pasur me liderët e politikës së tranzicionit shqiptar.

Kulla tha se Fatos Nanon e njeh sit ë gjithë shqiptarët, ndërsa me Ilir Metën ka rreth dy vjet e gjysëm që nuk flet.

“Nuk flas me Ilir Metën, por kjo është shumë personale, dhe nuk kam pse të jap shpjegime. Me Sali Berishën kam një raport korrekt, nuk kam punuar me të asnjëherë, por kam organizuar takimin Nano-Berisha për zgjedhjen e Bamir Topit në postin e Presidentit.

Unë kam organizuar takimin në një local në periferi të Tiranës dhe nga ky takim u bë i mundur zgjedhja e Topit si President”, tha Kulla.

Kulla pohoi se njohjen me Ilir Metën e ka nga koha kur të dy ishin peshëngritës, por nuk ka pasur miqësi me të. Ai në vijim pohoi se ka pasur bashkëpunime me Ilir Metën, duke qenë edhe këshilltar i jashtëm i tij, por prej 30 muajsh nuk ka asnjë komunikim me ish-Presidentin.