Deputetja e LSI, Erisa Xhixho ka shpërndarë artikullin e Fondit Monetar Ndërkombëtar, që cilëson Shqipërinë si vendin më të varfër të Ballkanit Perëndimor me mbështetjen më të ulët në rajon.
Në një postim në Facebook, Xhixho shkruan se shqiptarët u përballën të vetëm me tërmetin dhe pandeminë, pasi qeveria i braktisi në ditët më të vështira.
Ndër të tjera, deputetja shkruan se propaganda e qeverisë zerohet para faktit se qytetarët mbijetojnë me më pak se 5.5 dollarë në ditë.
“Shqiptarët u përballën të vetëm me tërmetin dhe pandeminë, pasi kjo qeveri i braktisi në ditët më të vështira, i la pa mbështetje në shëndetësi e pa ndihmë financiare për përballimin e pasojave të fatkeqësive. Raporti i fundit i FMN (Fondit Monetar Ndërkombëtar) dëshmon qartë se qeveria punon për një grusht njerëzish afër saj, kurse qytetarët e thjeshtë shtuan varfërinë. Ata mbijetojnë me më pak se 5.5 dollarë në ditë, duke përballuar kostot e larta të jetesës pa asnjë mbështetje sociale apo financiare. Çdo propagandë zerohet para fakteve”, shkruan Xhixho.
Gjithashtu, ajo shton se qeveria pretendon më kot se është e majtë pasi shtresat e varfra nuk janë prioritet i saj.
Discussion about this post