Skuadra e Real Madrid ka bërë detyrën ndaj Shakhatarit në shtëpi duke fituar me shifrat 2-1. Heroi i takimit për madrilenët ishte Karim Benzema, autor i një dopiete personale.
Sulmuesi francez shënoi nga një gol në secilën pjesë teksa miqtë realizuan golin e vetëm në minutën e 39. Në këtë sfidë Reali shënoi golin numër 1000 teksa realizimi mban firmën e Benzema. Me këtë fitore skuadra e Realit ngjitet në kuotën e 9 pikëve në grupin D dhe pret me qetësi sfidën tjetët të këtij grupi ndërmjet Sherif Tiraspol dhe Inter.
Milani siguron pikën e parë në Champions League por dështon sërish të arrijë fitoren e parë. Kuqezinjtë u ndalën në barazim 1-1 përballë Portos në “San Siro” teksa mbajnë vendin e fundit në grupin B në kuotën e vetëm një pike. Kryesuesit e kampionatit Italian treguan sërish se kanë shumë probleme në Kupat e Europës dhe se janë shumë larg pritshmërive. Me këtë barazim Milani është me një këmbë jashtë Championsit.
Discussion about this post